ಕುಶಾಲನಗರ ಎಲ್‌ಐಸಿ ಕಛೇರಿಯಲ್ಲಿ 70ನೇ ಸಂಸ್ಥಾಪನಾ ದಿನಾಚರಣೆ
admincoorgdaily
ಕುಶಾಲನಗರ, ಸೆ.9: ಕುಶಾಲನಗರದ ಭಾರತೀಯ ಜೀವ ವಿಮಾ ನಿಗಮ
(ಎಲ್.ಐ.ಸಿ.) ದ ಉಪಗ್ರಹ ಶಾಖಾ ಕಛೇರಿಯಲ್ಲಿ ಭಾರತೀಯ ಜೀವ ವಿಮಾ ನಿಗಮದ (ಎಲ್‌ಐಸಿ) 70ನೇ ಸಂಸ್ಥಾಪನಾ ದಿನಾಚರಣೆ ಹಾಗೂ ವಿಮಾ ಸಪ್ತಾಹ ಕಾರ್ಯಕ್ರಮವನ್ನು ಸಂಭ್ರಮದಿಂದ ಆಚರಿಸಲಾಯಿತು.
ಎಲ್‌ಐಸಿ ಯ 70ನೇ ಸಂಸ್ಥಾಪನಾ ದಿನಾಚರಣೆ ಹಾಗೂ ವಿಮಾ ಸಪ್ತಾಹ ಕಾರ್ಯಕ್ರಮದ ಉದ್ದೇಶ ಕುರಿತು ಮಾತನಾಡಿದ
ಎಲ್‌ಐಸಿ ಶಾಖಾ ವ್ಯವಸ್ಥಾಪಕ ಎಸ್.ಬಿ. ಶಿವಪ್ರಸಾದ್ ,
ಭಾರತೀಯ ಜೀವ ವಿಮಾ ನಿಗಮವು (LIC) ತನ್ನ 70ನೇ ಸಂಸ್ಥಾಪನಾ ದಿನವನ್ನು (70ನೇ ವಸಂತ) ಅತ್ಯಂತ ಸಂಭ್ರಮದಿಂದ ಆಚರಿಸುತ್ತಿದೆ. 1956 ಸೆಪ್ಟೆಂಬರ್ 1 ರಂದು ಅಸ್ತಿತ್ವಕ್ಕೆ ಬಂದ ಎಲ್.ಐ.ಸಿ, ಏಳು ದಶಕಗಳಿಂದ ಕೋಟ್ಯಂತರ ಭಾರತೀಯರ ಜೀವಕ್ಕೆ ಭದ್ರತೆ ನೀಡುತ್ತಾ ದೇಶದ ಆರ್ಥಿಕತೆಯ ಬೆನ್ನೆಲುಬಾಗಿ ನಿಂತಿದೆ ಎಂದರು.
ಹೊಸ ಯೋಜನೆಗಳ ಬಿಡುಗಡೆ:
ಈ ವಿಶೇಷ ಸಂದರ್ಭದ ನೆನಪಿಗಾಗಿ ಎಲ್.ಐ.ಸಿ. ಯು ತನ್ನ ಗ್ರಾಹಕರಿಗಾಗಿ ಬೀಮಾ ಪ್ಲಾಟಿನಂ (Bima Platinum) ಮತ್ತು ಜೀವನ್ ರಕ್ಷಾ (Jeevan Raksha) ಎಂಬ ಎರಡು ಹೊಸ ಆಕರ್ಷಕ ಯೋಜನೆಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.
1956 ರಲ್ಲಿ ಆರಂಭಗೊಂಡು
ರಾಷ್ಟ್ರೀಕರಣಗೊಂಡ
ಎಲ್.ಐ.ಸಿ. ಸಂಸ್ಥೆಯು ಪಾಲಿಸಿದಾರರಿಗೆ 69 ವರ್ಷಗಳ ಸುದೀರ್ಘ ಸಾರ್ಥಕ ಸೇವೆಯನ್ನು ಪೂರೈಸಿ ಇದೀದ 70 ನೇ ವರ್ಷದ ಸಂಸ್ಥಾಪನಾ ದಿನವನ್ನು ಆಚರಿಸಲಾಗುತ್ತಿದೆ ಎಂದು ಶಾಖಾ ವ್ಯವಸ್ಥಾಪಕ ಎಸ್.ಬಿ. ಶಿವಪ್ರಸಾದ್
ಮಾಹಿತಿ ನೀಡಿದರು.
ಡಿಜಿಟಲ್ ಕ್ರಾಂತಿ:
ಗ್ರಾಹಕರಿಗೆ ಸುಲಭ ಸೇವೆ ಒದಗಿಸಲು ಮೈ ಎಲ್ ಐ ಸಿ
('My LIC' ) ಮೊಬೈಲ್ ಆಪ್ ಸೇರಿದಂತೆ ಹಲವು ಆಧುನಿಕ ತಂತ್ರಜ್ಞಾನಗಳನ್ನು ಸಂಸ್ಥೆ ಅಳವಡಿಸಿಕೊಂಡಿದೆ ಎಂದು ತಿಳಿಸಿದರು.
ಹೊಸ ವಿಮಾ ಪಾಲಿಸಿ ಬಿಡುಗಡೆ:
ವಿಮಾ ಗ್ರಾಹಕರಿಗೆ
"ಜೀವನ್ ರಕ್ಷಾ" ಮತ್ತು "ಬೀಮಾ ಪ್ಲಾಟಿನಂ" ಎಂಬ ಎರಡು ಹೊಸ ವಿಮಾ ಪಾಲಿಸಿಗಳನ್ನು ಬಿಡುಗಡೆಗೊಳಿಸಿ ಮಾತನಾಡಿದ ಸುಂಟಿಕೊಪ್ಪದ ವಾಣಿಜ್ಯೋದ್ಯಮಿ ಎಡ್ವರ್ಡ್ ಜಾರ್ಜ್ ವಿಲಿಯಮ್ , ಆರ್ಥಿಕ ಜೀವನ ಭದ್ರತೆ ಒದಗಿಸುವ ವಿಮಾ ಪಾಲಿಸಿಗಳು ನಮ್ಮ ಕುಟುಂಬಕ್ಕೆ ಆರ್ಥಿಕವಾಗಿ ಸಹಾಯ ಮಾಡುತ್ತವೆ ಎಂದರು.
ಎಲ್.ಐ.ಸಿ.ಕಛೇರಿ ಆಡಳಿತಾಧಿಕಾರಿ ಪದ್ಮನಾಭ ನಾಯಕ್ , ಎಲ್.ಐ.ಸಿ. ಅಭಿವೃದ್ಧಿ ಅಧಿಕಾರಿಗಳಾದ
ಎಂ.ಡಿ. ಅಶೋಕ್ , ಡಿ.ಎಸ್.ಸತೀಶ್, ಉಲ್ಲಾಸ್ ಕೃಷ್ಣ, ಗ್ಯಾಲಕ್ಸಿ ಕ್ಲಬ್ ಪ್ರತಿನಿಧಿ ಕೆ.ಆರ್.ಸುಬ್ರಮಣಿ,
ಸಿಎಂ ಕ್ಲಬ್ ಪ್ರತಿನಿಧಿ ಎಚ್.ಎನ್.ದಿನೇಶ್ ಕುಮಾರ್ , ವೆಂಕಟೇಶ್, ಕವಿತ, ರೋಜ, ತಾರಾಭಟ್, ಎ.ಎಂ.ನಾಗರಾಜ್, ಎಲ್.ಐ.ಸಿ. ಕಛೇರಿ ಸಹಾಯಕರಾದ ಸುದೀಪ್, ರಮ್ಯ ಇತರರು ಇದ್ದರು.
ಎಲ್‌ಐಸಿಯ ಧ್ಯೇಯ, ಸಾಧನೆ ಹಾಗೂ ಸಮಾಜಕ್ಕೆ ನೀಡಿರುವ ಕೊಡುಗೆಯನ್ನು ಈ ಸಂದರ್ಭದಲ್ಲಿ ಸ್ಮರಿಸಲಾಯಿತು.
ಗ್ರಾಹಕರಿಗೆ ಉತ್ತಮ ಸೇವೆ ಒದಗಿಸುವುದರೊಂದಿಗೆ ಹೆಚ್ಚಿನ ಕುಟುಂಬಗಳಿಗೆ ಜೀವ ವಿಮೆಯ ಭದ್ರತೆಯನ್ನು ತಲುಪಿಸುವ ಸಂಕಲ್ಪವನ್ನು ಇನ್ಶೂರೆನ್ಸ್ ಕುಶಾಲನಗರ ತಂಡವು ಮಾಡಿತು.