ಹಳೇತಾಲೂಕು ಬದ್ರಿಯಾ ಜುಮಾ ಮಸೀದಿಯಲ್ಲಿ ಈದ್ ಮಿಲಾದ್ ಸಂಭ್ರಮಾಚರಣೆ

ವರದಿ:ಝಕರಿಯ ನಾಪೋಕ್ಲು 

 ನಾಪೋಕ್ಲು : ಪ್ರವಾದಿ ಮಹಮ್ಮದ್ ಪೈಗಂಬರ್ ರವರ 1500 ಜನ್ಮದಿನಾಚರಣೆ ಅಂಗವಾಗಿ ನಾಪೋಕ್ಲು ಬಳಿಯ ಹಳೇ ತಾಲೂಕಿನಲ್ಲಿ ಈದ್ ಮಿಲಾದ್ ಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಯಿತು. ಶುಕ್ರವಾರ ಫಜರ್ ನಮಾಜಿನ ಬಳಿಕ ಹಳೇ ತಾಲೂಕಿನ ಬದ್ರಿಯಾ ಜುಮಾ ಮಸೀದಿಯಲ್ಲಿ ಖತೀಬರಾದ ಖಲೀಲ್ ಹಿಮಮಿ ಅವರ ನೇತೃತ್ವದಲ್ಲಿ ಮೌಲೂದ್ ಪಾರಾಯಣ ಹಾಗೂ ವಿಶೇಷ ಪ್ರಾರ್ಥನೆ ನಡೆಯಿತು. ಪ್ರವಾದಿ ಜನ್ಮದಿನಾಚರಣೆಯ ಅಂಗವಾಗಿ ಹಳೇ ತಾಲೂಕಿನಿಂದ ಕೊಳಕೇರಿ ತೆರಳುವ ಮುಖ್ಯಬೀದಿಗಳಲ್ಲಿ ಪ್ರವಾದಿಯವರ ಶಾಂತಿ ಸೌಹಾರ್ದತೆಯ ಸಂದೇಶ ಸಾರುವ ಬೃಹತ್ ಜಾಥಾ ನಡೆಯಿತು.

ಜಾಥಾದಲ್ಲಿ ಪುಟಾಣಿ ಮಕ್ಕಳ ಸ್ಕೌಟ್ಸ್,ವಿದ್ಯಾರ್ಥಿಗಳ,ಯುವಕರ ಹಾಗೂ ಹಿರಿಯರ ದಫ್ ಪ್ರದರ್ಶನ ನೋಡುಗರ ಗಮನ ಸೆಳೆಯಿತು. ಈ ಸಂದರ್ಭ ಜಾಥಾದಲ್ಲಿ ಹಳೇ ತಾಲೂಕು ಜಮಾಅತ್ ಅಧ್ಯಕ್ಷರಾದ ಟಿ.ಎ. ಮಹಮ್ಮದ್,ಕಾರ್ಯದರ್ಶಿ ಟಿ.ಎ. ಅಬ್ದುಲ್ ಖಾದರ್,ಪ್ರಮುಖರಾದ ಎಂ. ಎಸ್ ಮಹಮ್ಮದ್ ಅಲಿ, ಎ. ಎ. ಅಬೂಬಕ್ಕರ್, ಎಂ. ಪಿ. ಹಸೈನಾರ್, ಎ. ಎಚ್. ಇಬ್ರಾಹಿಂ, ಬಿ. ಎಂ ಅಝೀಝ್, ಬಿ.ಕೆ.ಮಹಮ್ಮದ್ ಅಲಿ, ಎಂ. ಎಸ್. ಇಬ್ರಾಹಿಂ,ಟಿ.ಐ. ರಫೀಕ್, ಜಮಾಅತ್ ಪದಾಧಿಕಾರಿಗಳು, ಮದರಸ ಅಧ್ಯಾಪಕರು ಸೇರಿದಂತೆ ಜಮಾಅತ್ ಸರ್ವ ಸದಸ್ಯರು, ಮತ್ತಿತರ ಪ್ರಮುಖರು ಪಾಲ್ಗೊಂಡಿದ್ದರು.