ಅಹಿಂದ ಬಳಗ ಕೊಡಗು ಜಿಲ್ಲೆ ನೂತನ ಸಮಿತಿ ರಚನೆ : ಅಧ್ಯಕ್ಷರಾಗಿ ನಾಪಂಡ ಮುತ್ತಪ್ಪ, ಪ್ರಧಾನ ಕಾರ್ಯದರ್ಶಿಯಾಗಿ ಟಿ.ಈ.ಸುರೇಶ್ ಆಯ್ಕೆ
admincoorgdaily
ಮಡಿಕೇರಿ ಅ.23 : ಕೊಡಗು ಜಿಲ್ಲೆಯ ಅಹಿಂದ ಸಮುದಾಯದ ಪ್ರಮುಖರು ಹಾಗೂ ಪ್ರಗತಿಪರರು ಸಭೆ ಸೇರಿ ಅಹಿಂದ ಬಳಗ ಕೊಡಗು ಜಿಲ್ಲೆ ಎಂಬ ನೂತನ ಸಮಿತಿಯನ್ನು ರಚಿಸಿದ್ದಾರೆ.
ಕುಶಾಲನಗರದ ಕೂಡ್ಲೂರಿನ ಕೂರ್ಗ್ ಹಳ್ಳಿಮನೆ ರೆಸಾರ್ಟ್ನಲ್ಲಿ ನಡೆದ ಅಹಿಂದ ಸಮುದಾಯದ ಸಭೆಯಲ್ಲಿ ನಾಪಂಡ ಮುತ್ತಪ್ಪ ಅವರನ್ನು ಸಮಿತಿಯ ಅಧ್ಯಕ್ಷರನ್ನಾಗಿ ಹಾಗೂ ಟಿ.ಈ.ಸುರೇಶ ತೋಳೂರು ಶೆಟ್ಟಳ್ಳಿ ಅವರನ್ನು ಪ್ರಧಾನ ಕಾರ್ಯದರ್ಶಿಯನ್ನಾಗಿ ಸರ್ವಾನುಮತದಿಂದ ಆಯ್ಕೆ ಮಾಡಲಾಯಿತು.
ನಾಪಂಡ ಮುತ್ತಪ್ಪ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಕೆ.ಕೆ.ಮಂಜುನಾಥ್ ಕುಮಾರ್ ಕೂಡ್ಲೂರು, ಎಚ್.ಎಂ.ನಂದಕುಮಾರ್ ಮಡಿಕೇರಿ, ಕೆ.ಎ.ಯಾಕುಬ್ ಸೋಮವಾರಪೇಟೆ, ಅರುಣ್ ರಾವ್ ರಾಜರಾವ್ ಕೂಡಿಗೆ, ವಕೀಲ ಬಿ.ಈ.ಜಯೇಂದ್ರ ಸೋಮವಾರಪೇಟೆ, ಕೆ.ಎ.ಆದಮ್ ಸೋಮವಾರಪೇಟೆ ಹಾಗೂ ಬುಡಕಟ್ಟು ಸಮುದಾಯದ ಮುಖಂಡರಾದ ಅನಿತಾ ಕುಶಾಲನಗರ, ಕೋಯ ಹೊಸತೋಟ, ಅಬ್ಬಾಸ್ ಶನಿವಾರಸಂತೆ, ರವಿ ಅಜ್ಜಳ್ಳಿ, ಹಮೀದ್ ಕೂಡಿಗೆ, ನಾಸಿರ್ ಮಾದಾಪುರ, ಆನಂದ್ ರಾಜು ತಣ್ಣೀರುಹಳ್ಳ, ಲೋಕೇಶ್ ಎಡುವಾರೆ, ಲೋಕೇಶ್ ಅರೆಯೂರು, ದಾಮೋದರ ಮಾದಾಪಟ್ಟಣ, ಸುನಿಲ್ ರಾವ್ ಕೂಡಿಗೆ, ಭಯಕರ ದೊಡ್ಡಹಳ್ಳಿ, ವಸಂತ ನಗರಹಳ್ಳಿ, ಶಿವಣ್ಣ ಶನಿವಾರಸಂತೆ, ರಸೀನಾ ಎಂ.ಎ. ಚೆಟ್ಟಳ್ಳಿ, ಕುಸುಮ ಶನಿವಾರಸಂತೆ, ಸಾಕಿನ ಸಿ.ಜೆ. ಚೆಟ್ಟಳ್ಳಿ ಸೇರಿದಂತೆ ಅಹಿಂದ ಸಮುದಾಯದ ನೂರಕ್ಕೂ ಹೆಚ್ಚು ಪ್ರಮುಖರು ಉಪಸ್ಥಿತರಿದ್ದರು.
ನೂತನ ಸಮಿತಿಯ ರಚನೆಯ ಮೂಲಕ ಜಿಲ್ಲೆಯ ಅಹಿಂದ ಸಮುದಾಯದ ಪ್ರಮುಖರನ್ನು ಒಗ್ಗೂಡಿಸಿ ಸಂಘಟನೆಯನ್ನು ಬಲಪಡಿಸುವ ಉದ್ದೇಶ ಹೊಂದಲಾಗಿದೆ ಎಂದು ಪ್ರಮುಖರು ತಿಳಿಸಿದರು.