ಕ್ಲೀನ್ ಕೊಡಗು : ಮಾಜಿ ಸೈನಿಕರು, ನಿವೃತ್ತ ನೌಕರರಿಂದ ಸ್ವಚ್ಛತಾ ಅಭಿಯಾನ
admincoorgdaily
ಮಡಿಕೇರಿ: ಕ್ಲೀನ್ ಕೊಡಗು ಸ್ವಚ್ಛತಾ ಅಭಿಯಾನದ ಅಂಗವಾಗಿ ಮಾಜಿ ಸೈನಿಕರು, ನಿವೃತ್ತ ಸರಕಾರಿ ನೌಕರರು ಹಾಗೂ ಸಾರ್ವಜನಿಕರು ಮಡಿಕೇರಿಯಲ್ಲಿ ಸ್ವಚ್ಛತಾ ಕಾರ್ಯ ನಡೆಸಿದರು.
ಫೀ.ಲ್ಡ್ ಮಾರ್ಷಲ್ ಕೆ.ಎಂ.ಕಾರ್ಯಪ್ಪ ಕಾಲೇಜಿನ ಹಿಂಭಾಗದ ರಸ್ತೆಯಿಂದ ಐಟಿಐ ಜಂಕ್ಷನ್ ವರೆಗೆ ರಸ್ತೆಯ ಬದಿಯಲ್ಲಿದ್ದ ತ್ಯಾಜ್ಯ ಹಾಗೂ ಕಸವನ್ನು ತೆರವುಗೊಳಿಸಿದರು. ಸಾರ್ವಜನಿಕರು ತಮ್ಮ ಸುತ್ತಮುತ್ತಲಿನ ಪರಿಸರವನ್ನು ಸ್ವಚ್ಛವಾಗಿಟ್ಟುಕೊಳ್ಳುವ ಮೂಲಕ ಸ್ವಚ್ಛತಾ ಅಭಿಯಾನಕ್ಕೆ ಕೈಜೋಡಿಸಬೇಕು ಎಂದು ಪ್ರಮುಖರು ಮನವಿ ಮಾಡಿದರು.
ಸ್ವಚ್ಛತಾ ಕಾರ್ಯದಲ್ಲಿ ಪ್ರಮುಖರಾದ ಪೊನ್ನಚೆಟ್ಟಿರ ಸುರೇಶ್, ಚೆರಿಯಮನೆ ಸುಂದರಮ್ಮ, ಪೂಜಾರಿರ ಪದ್ಮನಾಭ, ಬಿಟ್ಟಿರ ರಾಘವಯ್ಯ, ಯಾಲದಾಳು ಸನ್ನಿ, ಅಚ್ಚಲಪಾಡಿ ತಿಮ್ಮಯ್ಯ, ಕೋಳುಮಾಡಂಡ ರಾಮಚಂದ್ರ, ಇಂದಿರ, ನಯನ್ ಹಾಗೂ ತಾಜ್ ರೆಸಾರ್ಟ್ ನ ಪ್ರೀತಿ ಸೇರಿದಂತೆ ಮಾಜಿ ಸೈನಿಕರು, ನಿವೃತ್ತ ನೌಕರರು ಹಾಗೂ ಸಾರ್ವಜನಿಕರು ಪಾಲ್ಗೊಂಡಿದ್ದರು.