ಮೈಸೂರಿನಿಂದ ಮಡಿಕೇರಿಗೆ ಹೊರಟ ಕೆಎಸ್ಆರ್ಟಿಸಿ ಬಸ್ನಲ್ಲಿ ಅರ್ಧ ಟಿಕೆಟ್ ನೀಡಿ ಪ್ರಯಾಣಿಸಿದ ಬೆಕ್ಕಿನ ಮರಿ!
admincoorgdaily
ಮಡಿಕೇರಿ: ಮೈಸೂರಿನಿಂದ ಮಡಿಕೇರಿಗೆ ಸಂಚರಿಸುತ್ತಿದ್ದ ಕೆಎಸ್ಆರ್ಟಿಸಿ ಬಸ್ನಲ್ಲಿ ಬೆಕ್ಕಿನ ಮರಿಗೆಗೂ ಶೇ.50ರಷ್ಟು ಟಿಕೆಟ್ ಶುಲ್ಕ ವಿಧಿಸಿರುವ ಅಪರೂಪದ ಘಟನೆ ಬೆಳಕಿಗೆ ಬಂದಿದೆ.
ಮೈಸೂರು–ಮಡಿಕೇರಿ ಮಾರ್ಗದ ಈ ಬಸ್ನಲ್ಲಿ ಕಂಡಕ್ಟರ್ ಸೀಟ್ರಹಿತವಾಗಿ ಬೆಕ್ಕಿನ ಮರಿಗೆಗೆ ಅರ್ಧ ದರದ ಟಿಕೆಟ್ ನೀಡಿದ್ದಾರೆ ಎನ್ನಲಾಗಿದೆ. ಸಂಬಂಧಿತ ಟಿಕೆಟ್ನ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಸಾರ್ವಜನಿಕ ವಲಯದಲ್ಲಿ ಕುತೂಹಲ ಮತ್ತು ಚರ್ಚೆಗೆ ಕಾರಣವಾಗಿದೆ.
ರಾಜ್ಯದಲ್ಲಿ ಶಕ್ತಿ ಯೋಜನೆಯಡಿ ಮಹಿಳೆಯರಿಗೆ ಉಚಿತ ಪ್ರಯಾಣ ಸೌಲಭ್ಯ ಜಾರಿಯಲ್ಲಿರುವ ನಡುವೆಯೇ, ಪ್ರಾಣಿಗೂ ಟಿಕೆಟ್ ನೀಡಿರುವುದು ಗಮನ ಸೆಳೆದಿದೆ. ಟಿಕೆಟ್ ನೀಡಿದರೂ ಮರಿಗೆ ಸೀಟ್ ಕಲ್ಪಿಸಲಾಗಿಲ್ಲ ಎಂಬ ವಿಚಾರವೂ ಚರ್ಚೆಯಾಗುತ್ತಿದೆ.
ಈ ಘಟನೆಯ ಕುರಿತು ಸಾರಿಗೆ ನಿಗಮದ ಅಧಿಕಾರಿಗಳಿಂದ ಯಾವುದೇ ಅಧಿಕೃತ ಸ್ಪಷ್ಟನೆ ಇನ್ನೂ ಲಭ್ಯವಾಗಿಲ್ಲ.